Бу атнада Яшел Үзәнгә яңадан эсселек кайтачак

Бу атнада эссе һава торышы кайтачак, пәнҗешәмбе көнне термометр баганалары 29 градуска кадәр күтәреләчәк. Бу хакта КФУ матбугат хезмәте профессор, метеорология, климатология һәм атмосфера экологиясе кафедрасы мөдире Юрий Переведенцевка сылтама белән хәбәр итә.

КФУ метеостанциясе мәгълүматлары буенча, узган айда температура нормадан ике градуска югары булган. Моннан тыш, белгечләр тарафыннан явым-төшемнең җитәрлек булмавы билгеләп үтелде (норма 70 мм, ә яуган нибары 45 мм).

"Бу декадада һава торышы характеры тотрыксыз булачак. Аны югары басым өлкәсе - антициклон билгели, - дип сөйләде профессор.

Аның сүзләренә караганда, бу атнада "эсселек яңадан үз көченә керәчәк". Өстәвенә, төнге температуралар да югары булачак.

Иртәгә болытлы һава, ләкин инде аязучан. Көндезге вакытта һава температурасы +27, төнлә +17 градуска кадәр булачак. Кыска вакытлы яңгырлар яварга мөмкин. Моннан тыш, ул - атнаның иң эссе көне булачак.

"Тәүлекнең якты вакытында термометрлар баганалары 30 градуска кадәр югары күтәреләчәк, караңгы вакытта - 18 градускача", - дип билгеләде Переведенцев.

Җомга көнне дә җылы булачак. 7 августта һава 29 градуска кадәр җылыначак, ә төнлә 17 градуска кадәр җитәчәк.

Белгеч билгеләп үткәнчә, шундый югары дымлылык белән тотрыксыз һава торышы метеосизгер кешеләрдә начар тәэсир итәргә мөмкин.