Бүген хисапчылар көне! Әлеге һөнәргә катнашы булган һәркемне ихластан бәйрәм белән котлыйбыз

Әйе, алар вагонлап йөк бушатмый, салкыннарда өшеп командировкага йөрми, саннар чүпләп тик утыралар шунда. Бу беренче карашка гына шулай. Бертуктаусыз отчетлар төзү, бихисап күп мәгълүматны башта саклау, саннар дөньясына чуму җиңел түгел.

“Яшел Үзән” редакциясе бердәнбер хисапчыбыз Лилия Йарарны чын күңелдән һөнәри бәйрәме белән котлый. Ул һәрнәрсәгә җитешә, отчетлары вакытында тапшырылган, һәр тиене исәптә, ә иң мөһиме, хезмәт хакын вакытында алабыз.
Хөрмәтле Лилия Равилевна, сезгә исәнлек, күңел көрлеге, хатын-кыз, гаилә бәхете, авыр һәм катлаулы эшегездә уңышлар телибез.

Хөрмәт белән, “Яшел Үзән”леләр.