"Бердәм Россия Яшь гвардиясе" Яшел Үзән бүлекчәсе Татарстанның 45 районы арасында иң яхшысы

Җиңүчене бәяләгәндә, иҗтимагый әһәмиятле акцияләрдә һәм чараларда “Бердәм Россия Яшь гвардиясе” җитәкчесенең һәм әгъзаларының актив катнашуы, активистлар саны арту, массакүләм мәгълүмат чараларында эшчәнлекне яктырту һәм киләсе елга эшнең төгәл планы булу каралды.

Һәр критерий буенча Яшел Үзән гвардиячеләре максималь баллар алды, бу аларга Татарстанда башка бүлекләр арасында лидерларга чыгарга мөмкинлек бирде.

Бүлек җитәкчесе Дмитрий Вәлиев “Бердәм Россия Яшь гвардиясе” Татарстан төбәк бүлегенең еллык конференциясендә Диплом белән бүләкләнде.

- Мондый югары бүләк алу безнең активистларны, үз сафларына яңа көрәштәшләрне җәлеп итеп, иҗтимагый эшчәнлек белән нәтиҗәлерәк шөгыльләнергә этәрә. Без киләсе елда да лидерлык позицияләрен саклап калырга әзер! - дип билгеләде Дмитрий Вәлиев.