Бер тәүлектә коронавирусны 39 татарстанлы йоктырган

Татарстанда бер тәүлек эчендә Covid-19 коронавирусын йоктыруның 39 яңа очрагы теркәлгән. Бу хакта “Татар-информ” мәгълүмат агентлыгында узган матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина сөйләде.

«Узган тәүлектә республикада яңа коронавирус инфекциясенең 39 яңа очрагы теркәлде. Шулай итеп, Татарстан Республикасында үсеш буенча барлыгы 7 мең 731 очрак», - дип хәбәр итте спикер.

Авдонина сүзләренчә, бер тәүлек эчендә төбәктә гомуми алганда коронавируска 6,4 мең ПЦР-тестлар ясалган.

Татарстан сәламәтлек саклау министры урынбасары Владимир Жаворонков, шул ук вакытта, коронавирустан бер көн эчендә республиканың 18 кешесе дәвалануын өстәде.