Авылның яшь эшкуарлары «Россиянең яшь эшмәкәре 2020» конкурсында катнаша ала

Гаризалар кабул итүнең соңгы көне - 28 август.

Гариза бирү һәм катнашу өчен түбәндәге 8 номинациянең теләсә кайсын сайларга мөмкин: «Интернет-эшмәкәрлек», «Авыл хуҗалыгы эшкуарлыгы», «Франчайзинг», «Социаль эшмәкәрлек», «Җитештерү», «Инновацион эшкуарлык», «Сәүдә» һәм «Хезмәт күрсәтүләр өлкәсе».

Төбәк этабы финалы агымдагы елның 1 сентябрендә узачак. Җиңүчеләргә бизнесны үстерү өчен хезмәтләргә 15 мең, 25 мең һәм 50 мең сум күләмендә сертификатлар тапшырылачак. Иң яхшы эшмәкәрләр федераль этапта катнаша һәм Татарстанны Россия дәрәҗәсендә тәкъдим итә алачак. "Россиянең яшь эшмәкәре - 2020" бөтенроссия конкурсы финалы Уфада узачак.

Исегезгә төшерәбез, "Россиянең яшь эшмәкәре" конкурсы ике этапта - төбәк һәм федераль дәрәҗәдә уза. 2019 елда финалистларны бүләкләү тантанасы Казанда булды. Татарстан Республикасы башкаласына бөтен илдән 400гә якын эшмәкәр килде, ә республикабызда яшәүчеләр берьюлы дүрт номинациядә җиңүче булды.

Төбәк этабы Татарстан Республикасы икътисад министрлыгы, эшмәкәрлеккә ярдәм фонды һәм «Эшкуарлык фабрикасы» проекты ярдәмендә үткәрелә. «Россиянең яшь эшмәкәре - 2020» конкурсы «Эшкуарлыкны популярлаштыру» милли проекты кысаларында оештырылды.

Конкурсны оештыручылар - яшьләр эшләре буенча федераль агентлык һәм «Россия яшьләр эшкуарлыгына ярдәм үзәге» федераль дәүләт бюджет учреждениесе.