Авыл хуҗалыгында хезмәтне саклау буенча яңа кагыйдәләр үз көченә керде

Кагыйдәләр үсемлекчелек продукциясен игү, җыештыру һәм алардан соңгы эшкәртү, авыл хуҗалыгы хайваннарын һәм кошларын карау, сугару эшләрен һәм агып төшүче суларны чистарту һәм авыл хуҗалыгы продукциясен беренчел эшкәртү буенча җитештерү процессларын оештырганда һәм уздырганда таләпләр билгели.

Кагыйдәләрдә авыл хуҗалыгы эшләрен башкарганда, җитештерү биналарына һәм эш урыннарына, АПКда технологик процессларга карата персоналның хезмәт иминлегенә карата таләпләр, шулай ук чималны, материалларны, әзер продуктларны һәм калдыкларны ташуда таләпләр бар.

Кагыйдәләрдә төрле эш төрләренә карата таләпләр тәфсилләп язылган һәм теге яки бу ситуациядә ничек эшләргә кирәклеге турында төгәл инструкцияләр бар. Мәсәлән, теплицаларда һәм парникларда барлык төр эшләрне башкарганда йомшак табанлы өй аяк киеменнән йөрү тыела. Яки, әйтик, хайваннарны сауганда хезмәткәргә кайсы яктан килергә кирәклеге күрсәтелгән.

Яңа кагыйдәләрдә, алдагылары белән чагыштырганда, АПК өлкәсе хезмәткәрләренең кирәкле хезмәт иминлеге дәрәҗәсенә ирешү механизмнары яңадан карала. Моннан тыш, алар хәвеф-хәтәр чыгу куркынычын кертүне күздә тота, шулай ук "регулятор гильотинасы" принцибын да исәпкә алалар.

Татарстан Республикасы Авыл хуҗалыгы һәм азык-төлек министрлыгы белешмәләренә караганда, кагыйдәләр агросәнәгать комплексының 1800 оешмасын һәм Татарстанның авыл хуҗалыгында эшләүче 60,5 мең кешене үз эченә алачак.