Яшел Үзән

Яшел Үзән шәһәре

18+
2024 - Гаилә елы
Яшәеш

Авария хәлендәге тораклардан күчерү программасын тормышка ашыру ни хәлдә?

Искедән – яңага

Халыкны авария хәлендәге тораклардан азат итү фондына Яшел Үзәндә 191 күпфатирлы йорт кертелгән. Прог­рамманы тормышка ашыру дәверендә әлеге исемлектән 47се инде төшеп калган һәм бүгенге көндә анда 144 күпфатирлы йорт исәпләнә. Аларда барлыгы шәхси милектә 1259 фатир, ә 515е муниципалитетныкы. Шулардан  милекче 71 гаилә дәүләт билгеләгән күләмдә акчалата алган, 824 гаиләгә фатирлар беркетелгән. Программаның шартлары белән килешмәүчеләр дә бар.
– Программаның шарт­лары буенча, авария хәлендәге торак­ларның милек хуҗаларына «Татарстан Республикасы Президенты карамагындагы дәүләт торак фонды» тарафыннан Яшел Үзән районында һәм шәһәрендә төзелгән йортлардан торак алу мөмкинлеге бирелә. Фатирларны сайлап алу буенча йомгаклау йортларны куллануга тапшырырга бер ай кала ясала. Шуңа, авария хәлендәге биналарның барысын берьюлы урнаштырырга мөмкин түгел, – дип аңлата ЯҮМР Башкарма комитеты җитәкчесе урынбасары Ольга Матвеева. – Программа кысаларында, әлеге коммерцияле булмаган оешма шәһәребездә 1793 фатирлы 11 йорт төзеде һәм аларга авария хәлендәге торакларыннан 1122 гаилә күченде.

Илсөя Завилейская фотосы.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X