Аш-су бүлмәсендә

Сыр уарга җыендыгызмы? Угычны үсемлек мае белән сөртеп җибәрсәң, сыр бер-берсенә ябышмас.
Туңдыргычтан чыгарган ит тизрәк эресен дисәгез, азрак аш серкәсе салып торыгыз. Болай эшләгәндә ит йомшак булып та пешәр.
Ашны артык тозладыгызмы? Бер бәрәңге әрчеп салыгыз, артык тозны үзенә алыр.
Пешкән кәбестә исе бөтен аш бүлмәсенә таралдымы? Шикәр кисәге салсагыз, ис юкка чыгар. 
Пешкән йомырка тизрәк чистарсын дисәгез, суына чәй содасы яки аш серкәсе салып җибәрегез.