73 яшендә Татарстанның халык артисты Равил Харисов вафат булды

 Бу хакта “Инстаграм” битендә республиканың атказанган артисткасы Алинә Шәрипжанова хәбәр итте.

"Күз яшьләре ага, безнең Равил абый. Яза алмыйм, күз яшьләре аркылы экран күренми. Равил Харисов - чын артист, һәрвакытта да "энәдән" купшы киенгән, һәрвакыт тере тавышка җырлый, һәр җырны театрга әверелдерә. Бик авыр, бу кайгыдан, көчсезлектән кычкырасым килә ", - дип язган артистка.

Артистның үлем сәбәпләре турында билгеле түгел.