1 июньнән Казанда 2022 елгы Махсус Олимпиада уеннары өчен волонтерларны сайлап алу башлана

Бу хакта Спорт һәм социаль проектлар дирекциясе генераль директоры урынбасары Александр Карпов сөйләде.

«Без 31 майда заявка кампаниясенең тәмамлануын анонсладык, шуңа күрә 1 июньнән рекрутинг үткәрә башлаячакбыз. Без аны өлешчә башладык, әмма дистанцион форматта», — дип билгеләп үтте ул.

Уеннарда дөньяның 101 иленнән килгән спортчылар катнашачак, аларның һәрберсеннән волонтер сыйфатында катнашу өчен заявка бирелгән. Барлыгы 4,5 мең гариза килгән, әмма рекрутерларга нибары ярты — 2250 кешене сайлап алырга туры киләчәк.

"Волонтерлар саны бик аз, артмаячак. Аның астында бюджет расланды инде, моннан тыш, без билгеле бер оптимизация уздырдык һәм кирәкле бурычларны үтәү өчен безгә нәкъ менә шул санда кешеләр кирәк булачагын аңладык», — дип өстәде Карпов.

Аның сүзләренә караганда, волонтерлар вузларның тулай торакларында һәм Универсиада авылында яшәячәк.

Элегрәк "Татар-информ" мәгълүмат агентлыгы хәбәр иткәнчә, Казанда 35ләп рекрутер Махсус Олимпиада- 2022 өчен волонтерлар сайлаячак.