03 Ашыгыч медицина ярдәме күрсәтү станциясе 930 чакыру кабул итеп алган.
Шуларның 566сы – шәһәрдән, 364е районнан булган. 364 кешене госпитализацияләгәннәр: 255е – шәһәрдән, 109ы – районнан.
Медикларны «Магнит» складлары янында пневматик корал белән күкрәге җәрәхәтләнгән 21 яшьлек ир янына чакыртканнар. Яраланучы хирургия бүлегенә китерелгән.
Шәһәр урамында билгесез матдә белән агуланып, аңсыз яткан 15 яшьлек яшүсмергә ашыгыч ярдәм күрсәтелгән. Аны реанимациягә китергәннәр.
Королев урамында билгесез сәбәпләр аркасында хәле бик начарайган 21 яшьлек һәм шунда ук кома хәлендәге 19 яшьлек егетләргә медицина ярдәме таләп ителгән. Аларны реанимациягә алып килгәннәр.
«Чайка» көймә станциясендә 14 яшьлек кызны каравылчы эте тешләгән. Кызга медиклар ярдәм күрсәткән.
Следите за самым важным и интересным в Telegram-каналеТатмедиа
Нет комментариев