Васильевода яңа граффити барлыкка килде
Урам рәссамнары элеккеге пыяла заводы диварында үз эшләрен булдырган. Биредә карашын су өслегенә юнәлдергән судно капитаны, моңсу клоун, анимацион персонажлар һәм график шрифтлар пәйда булды.
Боларның барысын да бер көн эчендә Казан һәм Мәскәү граффитчылары сурәтләгән. Алар арасында Васильево рәссамы Александр Потапов та бар. Сүз уңаенда, ул бистә үзәгендәге урам галереясендә үз эшен булдырган иде. Хәзер койманың икенче ягында аның яңа эше – клоун сурәтләнгән.
- Хәзерге авторлар арасында "Минем Васильево" проектында мин генә катнашмадым. Капитанны, мәсәлән, Алексей сурәтләде - ул пыяла заводына һәм аның атаклы боланнары булган "Васильевский" шифаханәсенә багышланган плитәләрне ясады. Хәзер безнең белән Кирилл да эшләде, галереядә ул тимер юл станциясен һәм урман комбинатын ясады. Заказлардан буяулар калды, җыелырга һәм аны сарыф итәргә булдык. Барлык теләүчеләр дә килеп чыккан нәтиҗәне карый ала, - дип сөйли Александр Потапов.
Хәер, теләүчеләр урам рәссамнарына идеяләрен дә җиткерә ала. Егетләр граффити булдыру өчен безгә янә килергә каршы түгел.
Следите за самым важным и интересным в Telegram-каналеТатмедиа
Нет комментариев