Тыныч булсын дөньялар

Бу ике сүзне ишетүгә, ачы җилләргә бирешми, ару-талуны белми эшкә баручы апалар күз алдына килә. Бәйрәм, ял көннәре дип, үзләренең эш урыннарын калдырып китә алмыйлар. Яңа яуган карда беренче сукмакны салучы, иртәнге авылны җанландыручы да алар.

– Авыл хезмәтчәннәре көне уңаеннан оештырылган чарада авылыбызда озак еллар сыер савучы булып эшләгән, мәдәният өлкәсендә һәрбер чарада актив катнашкан апаларыбыз, абыйларыбыз җыелды. Алар җыр-моңга осталыкларын күрсәтте. Сыер саву аппаратын сүтеп-җыюда көч сынаштылар. «И, онытылмаган икән әле, җыеп була икән», кайберләре: «Ничек онытылсын, 40 ел буе эшләп», – дип тә үзара көлешеп алды. Бәйрәм «Тыныч булсын дөньялар» дигән җыр белән тәмамланды, – дип сөйли Күгәй мәдәният йорты сәнгать җитәкчесе Рәмзия Заһидуллина.

Әлбәттә, бүген һәркемнең күңелендә бер теләк: күкләребез аяз, күңелебез тыныч, илебез имин булсын!