Татар Танае авылы китапханәсендә «Балалар китабы атналыгы» уза.

Язгы каникулда авыл һәм шәһәрдән кайткан балалар вакытларын бик файдалы уздыралар. Биредә балалар китап уку белән бе́ррәттән, төрле уеннар, викториналар да катнашалар.

- Без балаларны шулай мавыктыргыч юл белән китапны яратырга, китапханәләргә йөрергә җәлеп итәсебез килә. Алар өчен бирегә килеп китап укып утыру гына кызык булмас иде, ә уеннар ярдәмендә алар бер-берсе белән танышалар, аралашалар, уңай эмоцияләр алалар. Шулай итеп, безнең балаларыбыз инсафлы, тәртипле һәм әдәпле булып, киләчәктә тормышлары якты, матур булсын өчен аларны кечкенәдән үк китапны, укуны яратырга өйрәтеп үстерү, безнең төп максатларыбызның берсе, - дип сөйли китапханә мөдире Гөлнур Бикзиннурова.