Сайлауга гаилә белән

Олы Ачасыр мәдәният йортында урнашкан сайлау участогына беренче көнне үк бурычын үтәргә дип халык теләп килде. Гаиләләре белән катнашучылар да бар.

Авылыбызның мөхтәрәм кешеләре Марс Маликович һәм Роза Фенуновна Максумовлар бер сайлауны да калдырмый. Һәм алар һәрвакыт бергә килеп, үз бурычларын үтәп кайтып китә, - дип сөйли Олы Ачасыр авыл җирлеге башлыгы Марат Гатиятуллин.

Ә инде илебездә барган мөһим сәяси вакыйгада катнашырга мөмкинлеге булмаганнар өчен сайлау комиссиясе әгъзалары үзләре үк өйләренә бардылар.