Олы Ачасыр авылы язның беренче бәйрәме – 8 мартны бик үзенчәлекле итеп каршы алды

 Бер командада - мәктәп укучылары, икенчесендә - музей, мәдәният йорты һәм ФАП хезмәткәрләре, өченчесендә - укытучылар ярышты. Әлбәттә, дуслык җиңде!
Җыр-бию белән үрелеп барган уен чын бәйрәмчә булды. “Моның кадәр чапкан,туйганчы рәхәтләнеп көлгән юк иде”, - ди катнашучылар үзләре дә. Кайнар коймак, чәй белән сыйланып, истәлеккә фотога төшеп, күңел булганчы ял итү үзе ни тора! Уенны оештырган авыл җирлеге башлыгы Марат Гатиятуллинга һәркем рәхмәтле булып таралышты.