Олы Ачасырның ямьле күл буена агачлар утыртылды

- «Кыйбла изге эшләр ягында», – дип язган шагыйрь. Авылыбыз өчен тагын бер изге эш башкарылды. Сентябрьнең соңгы көннәрендә классташлар (1975 елгы чыгарылыш) белән күл, чишмә буена агачлар: нарат, миләш, чия, слива үсентеләре утырттык. Инде хәзер аларны саклау барыбызның да бурычы. Үсентеләр үсеп, ныгып китсеннәр һәм киләчәк буыннарга бездән бүләк, истәлек булсын иде. Уртак көч белән булдырылган күлебезне, чишмәләребезне саклыйк, авылдашларым, – дип яза Олы Ачасырдан Зөлфирә Касыймова.