Олы Ачасыр мәдәният йортында, Пионерия туган көненә багышланган матур чара узды

В.И.Ленин исемендәге Бөтенсоюз пионер оешмасы 1922 елның 19 маенда төзелгән. Хәзер инде әлеге оешма якты хатирәләре белән тарихка кереп калды.

Ялкынлан, учак, дөрлә югары,
Без – пионерлар, эшче уллары.
Киләчәк чорлар чакыра безне,
«Һәрвакыт әзер!» пионер сүзе.

-Пионер, комсомол, коммунист… Пионер — беренче дигән сүз. Пионерлар - билгесезлеккә юл салучылар, курку белми алдан баручылар. Пионерия оешмасы яшь буынны тәрбияләүнең иң мөһим чарасы булып торды. Күпме гомер үткән, күпме сулар аккан. Кайчандыр шаулап-гөрләп яшәгән пионерия инде тарихта гына калды. Без дә бүген пионер булган вакытларны искә алып мәдәният йортында бик матур кичә оештырдык. Хис-кичерешләребезне сүз белән генә аңлатырлык түгел. Катнашкан һәркемгә рәхмәт, - дип сөйли Олы Ачасыр мәдәният йорты мөдире Фәния Зыятдинова.