Норлатта матур чара узды

Чарага балалар хәрәкәте ветераннары, мәктәпнең мактаулы пионерлары чакырылган иде. Кунакларны мәктәп директоры Рамил Зиннәтуллин, тәрбия эшләре буенча директор урынбасары Эльмира Сәлахиева, ветераннар советы рәисе Роза Ягудина сәламләде.

Программаның икенче өлеше актлар залында үткәрелде. Чаралар программасы "Салют, пионерия" мәктәп агитбригадасы тарафыннан ачылды. Балалар хәрәкәте ветераннары, яраткан укытучы-ветераннар - Фәния Нуруллина, Гөлгенә Сайранова балачак, пионер яшьлеге, эш тәҗрибәсе белән уртаклаштылар, хатирәләрне яңартты.

Программа барышында пионер җырлары "Гайдар шагает впереди", "Весёлый ветер", "Маленький барабанщик" яңгырады. Чараның кульминациясендә иң яраткан пионерлар гимны "Взвейтесь кострами" башкарылды. Һәркем өчен истәлекле чара булды.