Норлат авылы китапханәсе мәдәният йорты белән берлектә "Үткән көннәр хәтирәсе" дигән квест-уен үткәргән.
Бу көннәрдә, әлбәттә, без 9 май – Бөек Ватан сугышында илебезнең фашист илбасарларын тар-мар итеп җиңүгә ирешүләре турында бик күп сөйләячәкбез, язачакбыз һәм күрсәтәчәкбез. Башкача була да алмый. Чөнки бу барлык буыннар горурлыгы.
-Бу чарада 5а сыйныф укучылары катнашты, - дип, мәгълүмат белән уртаклашты Норлат авылы китапханәсе мөдире Алсу Садыйкова. - Уен барышында катлаулы сорауларга җаваплар да таптылар, яралы солдатка беренче ярдәм күрсәттеләр, үз куллары белән өчпочмаклы хатлар ясарга өйрәнделәр, сугыш чоры җырларын искә төшерделәр. Балалар югалып калмадылар һәм барлык биремнәрне уңышлы үттеләр. Ә укытучылары Даут Зыятдинов Даут алар өчен җан атып торды. Барлык катнашучыларга рәхмәтебезне белдерәбез.
Следите за самым важным и интересным в Telegram-каналеТатмедиа
Нет комментариев