Лилия Тачаева бронза медальгә лаек булды

Конкурс агымдагы елның язында башланган иде. Бәйге турларында һәр гаилә биремнәрне үтәде – үзенә презентация ясады, иҗади номерлар күрсәтте, гаиләнең яраткан традицион ризыгын әзерләде һ.б. Моннан тыш гаилә ярты ел дәвамында хәйрия чараларында катнашырга
тиеш иде.
Нәтиҗәләр буенча Тачаевлар гаиләсе мактаулы III урынга лаек, ә С.К.Гыйматдинов исемендәге Осиново гимназиясе хореографы Лилия «Энҗе Нечкәбил-2022» титулына ия булды.

 
– Көндәшлек көчле иде. Нинди генә һөнәр ияләре катнашмады. Без гаиләбезнең сценариен үзебез мөстәкыйль язып, презентацияне күрсәтеп, югары бәя алуыбыз белән горурланабыз. Нәтиҗәгә ирешергә ярдәм иткән һәркемгә – Яшел Үзән районы һәм Осиново җирлеге җитәкчелегенә, гимназия коллективына, «Бәрмәнчек» коллективы артистларына һәм минем яраткан «Алтын» бию ансамбленә рәхмәт белдерәсебез килә, – дип хис-кичерешләре белән уртаклашты Лилия.

 
Якташыбызны зур җиңүе белән котлыйбыз!