Карашәм мәдәният йортында Халыкара хатын-кызлар көне уңаеннан уен-конкурслы чара үткәрелде

- Карашәм мәдәният йортында Халыкара хатын-кызлар көне уңаеннан, әниләр, апалар, кызлар катнашында уен-конкурслы чара үткәрдек, - дип сөйли мәдәният йорты сәнгать җитәкчесе Миләүшә Зиннәтуллина.

- Чын күңелебездән барыгызны да язның беренче бәйрәме - 8 нче март белән тәбрик итәм! Кояш кебек балкып, тирә-юньгә нурлар чәчеп яшәгез, сәламәт булып, якыннарыгыз белән тигезлектә, матур, рәхәт, хәерле гомер кичерегез! Алдагы көннәрдә дә матур чараларны шулай бергә-бергә уздырырга язсын. Килүегез өчен зур рәхмәт.