Яшел Үзән районы Норлат авылында мобиль поликлиника эшли

Норлат авылында мобиль поликлиника эшли

  Командада доктор-кардиолог, невролог, уролог, кан тамырлары хирургы һәм офтальмолог бар.

Норлат участок хастаханәсенең медицина хезмәткәрләре һәм фельдшер-акушерлык пунктларының фельдшерлары пациентлар исемлеген әзерли һәм карау өчен мобиль поликлиникага җибәрәләр.

Белгечләр кешеләр белән сөйләшә, тикшерәләр, тикшерүләргә җибәрәләр һәм кирәкле киңәшләр бирәләр.
Бер эш көне эчендә, 8.00 дән 16.00 сәгатькә кадәр, һәр белгеч 20-22 кеше кабул итә.
Норлатта эш 14 октябрьгә кадәр дәвам итәчәк.

17 октябрь  мобиль поликлиника Карамалы Тау табиблык амбулаториясенә күчәчәк.

Профилактик тикшерүләр Карамалы Тауда һәм амбулаториягә беркетелгән башка торак пунктларда узачак.

Яшел Үзән район үзәк хастаханәсе