Бүген, сайлауның соңгы көнендә Бакырчы авылы клуб ишек алдында Нәүрүз бәйрәмен билгеләп үттеләр

- Гаилә елы уңаеннан әниләр балалары белән бергә бәйрәмгә чакырулы иде.   Тугыз гаилә үзләренең тормыш девизлары белән таныштырып китеп, гаиләдә яратып җырлый торган җырларын башкарып, күңелле уеннар уйнап ярыштылар. Һәр катнашучы гаиләгә Әлфия Бахтиярова апалары тарафыннан алынган Нәүрүз күчтәнәчләре тапшырылды. Бәйрәм ахырында тәмле коймак белән кайнар чәй эчеп, төрле ярмалар салып пешерелгән тәмле боткадан авыз иттек. Бәйрәмдә катнашкан авылдашларыма, сайлау комиссиясендә эшләүчеләргә бергә булганнары өчен рәхмәт, - дип сөйли Бакырчы авылы мәдәният йорты җитәкчесе, Миләүшә Сәлахиева.