Бүген олы рәхмәт сүзләрен Мулла Иле авылында яшәүче «Халык фронты» волонтеры Садыков Рәмил Гадел улына әйтәсе килә.

- Ул узган ел җәйдән бирле  фронтка җибәрер өчен гуманитар ярдәм туплауда, маскировка челтәрләре ясауда булыша, авылдашларын да изге эшкэ өнди. Уку елы башланганнан бирле, укучылары белән технология дәресләрендә окоп шәмнәре ясыйлар. Март аенда алар эшләгән 3800 окоп шәме, фронтчыларыбызга озатылды. Рәмил Гадел улының тормыш иптәше Лилия, медик булса да, бик яхшы тегуче. Вакыт табып Норлатка тегу цехына килеп носилкалар тегәргә булышып китә, солдатларга җибәрер өчен өй токмачлары әзерләп  килә. Бу тырыш, күркәм гаиләгә  зур хезмәтләре өчен рәхмәт сүзләрен җиткерә Норлат авылы активисткасы Роза Ягудина.