Бакырчы мәдәният йортында, балалар белән Фоат Садриевның » Икмәк тәме » исемле әсәрен сәхнәләштергәннәр

- Балалар белән Фоат Садриевның " Икмәк тәме " исемле әсәрен әзерләп сәхнәләштереп күрсәттек. Гөлнур апалары бүгенге көн өчен бик актуаль булган темага туры килә торган әсәр сайлаган иде. Чөнки балаларның кулларыннан кесә телефоны төшеп тормый. Тирәсендә эшләп йөргән кешеләрне ишетми дә күрми, булышырга да уйлап карамый. Катнашучы балалар үз рольләрен матур итеп башкардылар һәм үзләрен карап утырган балаларга сорау бирделәр. Ә сорау менә шундый иде : "Ни өчен ипи тәмле булып чыкты? ". Җавап бер иде, әлбәттә, эшләгән кешегә ипи бик тәмле була, - дип яза Бакырчы авылы мәдәният йорты җитәкчесе, Миләүшә Сәлахиева.