1983 нче елда, Бөек Ватан сугышында катнашучыларга Мулла Иле мәдәният йорты бакчасына һәйкәл куелган

- Күп вакыт үтүгә карамастан, һәйкәл бүгенге көндә дә киләчәк буынны тәрбияләүдә башлангыч нокта булып тора. Һәйкәл янында митинглар, хәтер көннәре, Батырлык дәресләре уздырыла. Без, мәдәният йорты хезмәткәрләре, җәен һәйкәлнең киртәләрен буяп, матурлыйбыз, алдына төрле чәчәкләр утыртабыз. Кышын кардан чистартып торабыз. Бөек Ватан сугышы тәмамлануга 79 ел була. Хәзерге тыныч тормышта бәхетле яшәвебезгә, без әби-бабайларыбызга бурычлы. Безнең бурыч җиңүгә үз өлешен керткән барлык халыкларны хөрмәт итү, - дип сөйли - дип яза Мулла Иле мәдәният йорты мөдире Рәзинә Сәйфетдинова.