Ике бассейн, иркен якты кабинетлар, 560 урынлык актлар залы, 450 кешелек ашханә, уңайлы мохит һәм заманча интерактив технологияләр.
Мирный бистәсендә 1 сентябрьдә ачылачак 18нче номерлы яңа мәктәп ата-аналар һәм балалар алдында нәкъ шундый булачак.
Күппрофильле лицей бөек рус мәгърифәтчесе Михаил Ломоносовның горур исемен йөртәчәк, ә аның символы – уй, ирек, киләчәккә омтылыш булачак.
Агымдагы елның гыйнвар аенда төзелеш башланганнан бирле әлеге уку йорты белән кем җитәкчелек итәр дигән интрига булды. Җитәкче билгеле, ул - Валентина Кибецның (9нчы лицейның элеккеге директоры) кызы Яна Владимировна.
Ул педагоглар династиясеннән, эш стажы 27 ел. Яңа директор көн саен үзенең киләчәк эш урыныннан әйләнеп уза. Мәктәпкә рус мәгърифәтчесе исемен бирү - шул исәптән аның инициативасы да.
Иң мөһим һәм кызыклы язмаларны Татмедиа Telegram-каналында укыгыз
