Җыр-моңга сусап авылга

Әле июль уртасында авылдашыбыз, өметле, һәр яктан булган яшь артистыбыз Илфат Гыйбадуллин концертында булып, ял иткән идек. Инде июль ахырында булачак Авыл бәйрәмен түземсезләнеп көттек. Һәм өметләребез акланды. Рәхмәт сезгә, авылдашлар! Бер дигән итеп яшисез. Нәкъ җырдагыча «Бүген яшәп калыйк!»
Авылга кайткан саен үземнең укучым Инсаф Шәйхуллинның мәктәп елларында яратып тыңлаган һәм җырлаган сүзләре искә төшә (Инсаф Тәскирә апа белән Рафаэль абый Шәйхуллиннарның оныгы, 3нче гимназиядә укыды): «Авылга, авылга, шау шудан качарга. Авылга, авылга саф һава суларга». Инсаф үзе бу турыда оныткандыр да инде. Ә минем хәтердә. Укытучы гомер буе укучылары белән бергә яши икән ул. Алар мәктәпне күптән тәмамлады. Педагог, бигрәк тә татар теле мөгаллиме балаларда җыр-моңны, сәнгатьне, әдәбиятне ярату хисләре тәрбияли алса, туган теленә мәхәббәт, гореф-гадәтләрне саклауга зур өлеш кертә. Инсаф дигәннән бер вакыйга исемдә. Ул VIII сыйныйфка кадәр татар телен рус төркемендә укыды. Аннан соң миндә татар төркемендә укый башлады. Укытучыдан күпме сабырлык, түземлек, бала күңелен аңлый белү кирәк булды. Авылга әби-бабасы янына кайтып йөри, татарча яхшы аралаша, бик сөйкемле, ягымлы бала. Программа буенча диктант, сочинениеләр язабыз. Диктантлар язганда туктап кала да, дәфтәрен ябып куя. Мин сабыр гына күзәтәм, ачуланмыйм, орышмыйм. Башка укучылар белән бергә дәфтәрен тапшырырга кушам. Сабыр гына көттем. Начар билгеләр дә куймадым. 
Тулырак газетабыздан укый аласыз.

Мәдинә Әдиятуллина.
Яшел Үзән