Яшел Үзән

Яшел Үзәндә шәхси полилингваль мәктәп ачарга телиләр.

Яшел Үзәндә шәхси полилингваль мәктәп ачарга планлаштыралар. Шәһәр төзелеше советында уку йорты проекты турында фикер алыштылар.

Мәктәп Гоголь урамындагы мәчет территориясендә пәйда булачак һәм 250 балага исәпләнәчәк дип көтелә.

"Проект бик кызыклы, без аны кабул итәбез. Әлбәттә, аны эшләп бетерергә кирәк. Планлаштырганда, аның мәгариф учреждениесе булуын һәм ул барлык дәүләт стандартларына җавап бирергә тиешлеген исәпкә алырга кирәк. Шәхси дәүләт партнерлыгы формасын карарга мөмкин", - диде проект буенча фикер алышу барышында Яшел Үзән районы башлыгы Михаил Афанасьев.

Төзелеш инициативасы белән Яшел Үзән мәчете имам-хатыйбы Илдар хәзрәт Гатауллин чыкты. Проектны "Арт-проект" компаниясе эшләде. Мәктәптә икенче таләп буенча татар, рус, инглиз, төрек, гарәп, кытай һәм башка телләрне өйрәнергә планлаштыралар.

Төзелешнең бәясе әлегә аталмый.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: