Яшел Үзән

Татарстанлыларны Идел буе федераль округы балалар йортлары онлайн-фестивалендә катнашырга чакыралар

2020 елда республиканың вәкилләре булып Лаеш, Лениногорск, Түбән Кама, Алабуга районнарыннан һәм Казан шәһәренең Идел буе районыннан 17 балалар йорты тәрбияләнүчесе торачак.

Катлаулы санитар-эпидемиологик вәзгыять аркасында балалар йортларына ярдәм итү округ фестивале беренче тапкыр дистанцион форматта узачак.

Чарада Татарстанның Лаеш, Лениногорск, Түбән Кама, Алабуга районнарыннан һәм Казанның Идел буе районыннан килгән 17 балалар йорты тәрбияләнүчеләре катнаша. 2020 елда проектта катнашучылар арасында Идел буе федераль округы төбәкләреннән 12дән 18 яшькә кадәрге 260 ятим бала булачак.

Фестивальнең максаты - балалар йортларында тәрбияләнүчеләргә һәм ата-ана тәрбиясеннән мәхрүм калган балаларга социаль адаптациядә ярдәм итү, алар өчен профориентация, танып белү, мәдәни һәм спорт характерындагы чаралар оештыру, һәр катнашучының потенциалын үстерү.

Интеллектуаль уенны, округ күргәзмәсен һәм гала-концертын үз эченә алган чара 24-25 октябрьдә узачак. Катнашучыларның чыгышларын карарга һәм ошаган эшләргә бәя бирергә фестивальдетства.рф. сайтында мөмкин.

"Барлык тамашачылар өчен (сайтка килүчеләр) оештыручылар (Башкортстан Республикасы) республика буенча виртуаль тур, милли башкорт ризыгы әзерләү буенча кулинария мастер-классы, йолдызлы бию флешмобы - ZAINETDIN проекты танылган музыкант-мультиинструменталист проекты әзерләде", - дип билгеләп үтә РФ Президентының Идел буе федераль округындагы вәкаләтле вәкиле матбугат хезмәте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: