Татарстан өч ел рәттән Россиянең иҗтимагый туклану оешмаларының топ-10 төбәкләре исемлегенә керде

2026 елның гыйнвар – май нәтиҗәләре буенча республика ил буенча тугызынчы, Идел буе федераль округында икенче урынны биләгән. Барлар, кафелар һәм рестораннарның гомуми әйләнеше республикада 45,7 млрд сум тәшкил иткән. Бу – төбәкнең бу күрсәткеч буенча беренче унлыкка керүе өченче ел рәттән.

Иҗтимагый туклану әйләнеше күләме буенча лидер – Мәскәү (600,7 млрд сум). Икенче урында – Санкт-Петербург (216,9 млрд), өченчедә – Мәскәү өлкәсе (191,4 млрд). Бишлеккә шулай ук Краснодар крае (89 млрд) һәм Свердловск өлкәсе (76,2 млрд) кергән. Татарстан тугызынчы урында.

Әмма керем үсеше динамикасы буенча республика ил буенча 24 нче урынны гына биләгән – ел эчендә әйләнеш 7,8% ка арткан. Идел буе федераль округында зур үсеш Саратов өлкәсендә (+13,4%), Мари Элда (+12,3%) һәм Оренбург өлкәсендә (+10,1%) теркәлгән. Гомумән, Россия буенча иҗтимагый туклану әйләнеше биш ай эчендә 2,4 трлн сум тәшкил иткән, бу узган елгы күрсәткечтән 6,5% ка күбрәк.

Чагыштыру өчен: 2025 елда ил буенча иҗтимагый туклану әйләнеше 4 трлн сумнан арткан, 2024 елга 8,7% ка үсеш күрсәткән. Татарстан соңгы өч елда тотрыклы рәвештә топ-10 да: 2024 елда республика ил буенча 6 нчы, ПФОда 1 нче урынны, 2025 елда – 8 нче урынны биләгән.

Иң түбән иҗтимагый туклану әйләнеше күрсәткечләре Ингушетиядә (453 млн), Яһүд автономияле өлкәсендә (863,4 млн) һәм Калмыкиядә (970,6 млн) теркәлгән. Шул ук вакытта әйләнеш иң нык Алтайда (-9,1%), Ярославль өлкәсендә (-8,9%) һәм Ненец автономияле округында (-8,1%) кимегән.

КП Казань