Яшәеш
Татарстан Гидрометүзәге яңгырлар һәм салкыннар турында кисәтте
Календарь көз соңарып булса да, үз хокукларына керә.
Метеорологик җәй Татарстанны ташлап китәчәк. Һава температурасы түбәнәячәк, бу атнаның икенче яртысында болытлы һава, яңгырлар һәм яшеннәр көтелә.
«Россия һәм Урал Европа территориясендә озак вакыт хакимлек иткән Антициклон акрынлап китә. Безнең территориягә атмосфера фронтлары йогынты ясаячак», – дип хәбәр итте Татарстан Гидрометүзәге башлыгы Феликс Гоголь.
Узган төнне Татарстанның көньяк-көнчыгышында туфракта һәм һавада беренче кыраулар теркәлгән иде. Бавлыда төнге сәгатьләрдә температура -1 градуска кадәр төшкән.
Следите за самым важным и интересным в Telegram-каналеТатмедиа
Нет комментариев