Яшел Үзән

"Татар-информ" журналисты Россиядә иң зур кырмыска оясын тапты

Россия Рекордлар китабында теркәлгән кырмыска Кукмара районы Сардекбаш авыл җирлеге Трыш авылы янындагы чыршы урманында урнашкан.

“Татар-информ” мәгълүмат агентлыгының татар редакциясенең баш мөхәррире һәм “Интертат” сайты Рәмис Латыйпов Россия рекордын - Россиядә кырмыска оясының иң зур биеклеген теркәде.

Оя беренче тапкыр журналист тарафыннан узган елның октябрендә Кукмара районы Трыш-Сардекбаш авыл җирлегеннән ерак түгел чыршы урманында табылган. Аның биеклеге 220-235 см (авышлыкта урнашкан), диаметры - 440 см.

Дәлилләр җыю шактый күп вакыт ала. Бу җирлектә кәрәзле телефоннар эшләми икән, экспертлар катнашында үлчәү мөмкин булмый. Шуңа күрә бик күп фото һәм видеоматериаллар төшерелде. Россия Рекордлар китабы таләбе буенча, куркынычсыз режимда төгәл үлчәү өчен, балчыктан махсус корылма да эшләнгән.

- Рекордны теркәү белән мин Татарстанның табигате бик бай булуын исбатларга теләдем, - дип саный Рәмис Латыйпов. - Әлбәттә, мин рекорд авторы буларак күрсәтелгән булсам да, минем ролем монда юк, мин бары тик фактураны җыю һәм теркәү белән шөгыльләнә башладым. Урманнарны кадерләп каравына да игътибар итәргә теләгән идем, һәм халык табигатькә сакчыл карый. Кукмара районын һәм аның халкын данлыйсым килде. Әлеге җирлек турында барысы да белсен.

Рәмис Латыйпов авыл атамасының «Трыш» (татарча - «Тырыш») булуына игътибар итәргә сорый - тәрҗемәдә «тырыш» дигәнне аңлата. "Бу җирлектә яшәүчеләр генә түгел, кырмыскалар да тырыш", - дип шаяртты ул. Шул рәвешле, Россиядә иң эре кырмысканың Татарстанда булуы рәсми исбатланды. Рекорд башка регионнарда яшәүчеләр кырмыска оясын зуррак күләмдә тапканчы сакланачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: