Шөпшә оясы аркасында 17 корылма янган

Ростов өлкәсендә яшәүче пенсионер ир-ат, шөпшә оясын бетерәм дип, 17 корылма януга китергән. 

Әлеге ир-атка җинаять җаваплылыгы яный, дип хәбәр итә Россия Гадәттән тыш хәлләр министрлыгы телеграм-каналында.

Ведомство белешмәсе буенча, Белокалитвинский районында пенсионер бакчада үсентеләр утырта. Шул чакта ук җирдә шөпшә оясы табып ала. Бабай бу ояны яндырырга була.

Шул чакта коры үләнгә ут каба. Көчле җил аркасында ут торак йортларга күчә. Барлыгы 17 корылма янып бетә, диелә хәбәрдә.

Интертат

Фото