Нуруллиннар гаиләсе 4 бала белән урамда калган

Чистайда узган ялларда коточкыч янгын булган. Нуруллиннарның йорт-җирләре янып бетеп, алар дүрт бала белән урамда калган.

- Әни фаҗигале төстә үлгәннән соң (ЮХИДИ машинасы белән бәрелешкәннәр иде), әти 14 ел яшәде. Күптән түгел ул да гүр иясе булды. Вафатына 21 көн дигәндә, тагын хәсрәт. Аның нигезендә яшәп калган энем, хатыны, 4 баласы белән эчке киемнәрдән генә урамда калдылар, – ди Ләйлә. Кызганыч, йорттан бер әйбер дә алып чыгарга өлгермәгәннәр. Хәзер торырга урыннары да юк. Күршеләрдә кунып йөриләр.

- Балаларга мәктәпкә барырга кирәк. Яшәргә торак юк.

Матбугат ру