Күп балалы гаиләләр кайда бушлай күңел ача ала?
Түләүсез билет алу өчен күп балалы гаиләләргә үзләре белән статусларын раслаучы документ алып килергә яисә аны «Госуслуги» кушымтасындагы QR-код ярдәмендә күрсәтергә кирәк булачак.
Татарстан Мәдәният министрлыгы күп балалы гаиләләргә дәүләт музейларына, музей-тыюлыкларга һәм күргәзмәләргә бушлай йөрергә мөмкинлек бирә торган проект тәкъдим итә. Хәзерге вакытта документ коррупциягә каршы экспертиза уза.
Түләүсез йөрү чит компанияләр тарафыннан оештырылган күргәзмәләргә, экскурсияләргә, түләүле мастер-классларга һәм лекцияләргә кагылмаячак. Мәдәният министрлыгы хәбәренә караганда, музейларга бушка йөрү мөмкинлеге 18 яшькә кадәрге (яки 23 яшькә кадәрге) өч һәм аннан да күбрәк бала тәрбияләүче гаиләләргә тарала.
Следите за самым важным и интересным в Telegram-каналеТатмедиа
Нет комментариев