Яшел үзәнлеләр «Безнең заман герое» республика премиясе лауреатлары исеменә лаек булды

Советлар Союзы Герое Н.Волостнов исемендәге Васильево кадет интернат-мәктәбенең сигезенче сыйныф укучысы Рунар Русинов, 10нчы гимназия укучысы Вилдан Сәлахов һәм Елизаровлар гаиләсе бүләкләнде.

Рунар җәйге каникуллар вакытында батучы ике яшьлек кызны коткара. Ул атасы – Яшел Үзән янгын сүндерү частендә коткаручы булып эшләүче Алексей Русиновтан үрнәк ала.

Вильдан, батучы хатын-кызны күреп, суга ташлана һәм аны коры җиргә алып чыга. Егет аңа беренче медицина ярдәме күрсәтә һәм йөрәгенә массаж ясый.

Евгений һәм Екатерина Елизаровлар гаиләсе 13 бала тәрбияли. Алар – бердәм, тату гаилә үрнәге.

Горурланабыз!

ЯҮМР матбугат хезмәте