Яшел Үзән районында Татарстанда беренче «Экологик сыйныф» ачылды

«Яшел» сыйныф үз эшен Н.Соболев исемендәге 2нче Васильево мәктәбендә башлады.
Ул КФУның Экология һәм табигатьтән файдалану институты, Росприроднадзорның Идел-Кама төбәкара идарәсе һәм Идел буе федераль округы буенча лаборатория анализы һәм техник үлчәүләр үзәге ярдәмендә «Экорес» калдыкларны утильләштерү һәм эшкәртү комплексы директоры Сергей Лобачев инициативасы буенча төзелгән.

- Без укучыларга югары уку йортына конкурстан тыш керүне һәм өстәмә баллар алу мөмкинлеген тәэмин итәчәкбез. Балалар теорияне генә өйрәнеп калмыйча, белемнәрен практикада да кулланачак. Идеяләр барлыкка килгәннән алып сыйныф ачылуга кадәр безнең район башлыгы Михаил Павлович Афанасьев зур ярдәм күрсәтә, – дип билгеләде Лобачев.

Биредә балалар өчен махсус яңа форма тектергәннәр, класс җиһазландырдылган. «Яшел» дебютантлары мәктәп линейкасында да отышлы күренде, Белем көнендә балаларга яңа проектор бүләк иттеләр.