Дүрт яшьлек кыз ишегалдында шырпы тапкан һәм үзенә үзе ут төрткән

Сабый 26 августта Байкал аръягының Агинкое бистәсендә йорт ишегалдында шырпы табып ала һәм берничәсен яндыра. Шул чакта аның синтетик тукымадан тегелгән күлмәгенә һәм чалбарына ут каба. Бу вакытта ата-анасы өйдә була, алар урамга йөгереп чыга, утны сүндерә.

Кызны ата-анасы хастаханәгә алып килә. Аның бөтен тәне, куллары, аяклары, башы пешкән була. Табиблар нарасыйның гомерен саклап калу өчен 17 көн көрәшә.

Тик сабый 12 сентябрьдә вафат була.