Әтисенең тәмәке көленнән киемнәренә ут капкан бала үлгән
Башкортстанның Октябрьск шәһәрендә яшәүче ир-ат «Саксызлык аркасында үлемгә китерү» маддәсе буенча җинаять эшендә гаепләнә. Бу хакта «Башинформ» яза.
БР Прокуратурасы матбугат хезмәтендә хәбәр итүләренчә, май аенда исерек һәм наркотиклар кулланган ир-ат, фатирда кулына кабызылган тәмәке тоткан килеш, яңа туган улының караваты янына килгән. Тәмәке көле кабартылган һава шарына эләккән, һәм аннан баланың урын-җир әйберләре һәм киемнәре яна башлаган.
Баланың башы, муены, куллары, сул боты пешкән. Алынган җәрәхәтләрдән сабый хастаханәнең реанимация бүлегендә вафат булган.
Ир-ат үз гаебен таныган. Җинаять эше карау өчен Октябрьск шәһәр судына җибәрелгән, диелә хәбәрдә.
Чыганак: Интертат
Фото: Чулпан Гыйсмәтуллина, "ЯҮ"
Следите за самым важным и интересным в Telegram-каналеТатмедиа
Нет комментариев