Яшел Үзәннең Пушкин исемендәге 9нчы лицеенда ушу буенча Яшел Үзән районының ачык чемпионаты узды

Күрсәтмә чыгышында Россия һәм Европа чемпионатлары призерлары һәм җиңүчеләре корал белән идарә итү осталыгын гына түгел, ушуның стильләре һәм юнәлешләре төрлелеген дә күрсәттеләр.

- Егетләр һәм кызлар үз гәүдәләре белән идарә итәргә, координацияне, тизлекне, чыдамлыкны яхшыртырга өйрәнү өчен тренировкаларга йөри, - диде Яшел Үзән ушу федерациясе җитәкчесе, тренер Юрий Тимофеев. - Алар үзләрен ни дәрәҗәдә әзерли алуларын, район дәрәҗәсендә дә, шулай ук бөтенроссия дәрәҗәсендәге ярышларда да күрсәтәләр. Ушу федерациясе ярышларны үткәрүдә ярдәм иткән өчен тренерлар составына, судьялар коллегиясенә һәм ата-аналар комитетына рәхмәт белдерә.

Чараны оештыручылар 9нчы лицей директоры Алия Шагаевага яшь спортчыларга күрсәткән ярдәмнәре өчен аерым рәхмәт белдерәләр.