Татарстан мәктәпләрендә яңа фән барлыкка киләчәк
Быел Татарстан мәктәпләрендә «Татарстан Республикасы дәүләт теле – Татар теле» фәне барлыкка киләчәк. Бу хакта ТР мәгариф һәм фән министры Илсур Һәдиуллин август киңәшмәсендә хәбәр итте.
Өйрәнү ата-аналар гаризасы буенча узачак. «2022 елның 1 сентябреннән республика мәктәпләренең уку планнарында «Татарстан Республикасы дәүләт теле – Татар теле» предметы барлыкка киләчәк. Әлеге фән, туган телләр һәм әдәбиятны өйрәнү агымдагы елда федераль реестрга кертелгән якынча белем бирү һәм эш программалары буенча оештырылачак", - дип билгеләп үтте министр. Фәннәр академиясе һәм мәгарифне үстерү институты яңа буын дәреслекләрен эшли. 2022 елда 17 уку әсбабы федераль исемлеккә кергән инде, аңа тагын 18 уку-укыту методик комплексын кертү өчен гариза бирелгән.
Следите за самым важным и интересным в Telegram-каналеТатмедиа
Нет комментариев