Яшел Үзән заводында – яшьләр конференциясе

Заводның генераль директоры Ренат Мистахов үзенең сәламләү сүзендә завод яшьләр берләшмәсенең  үз эшенә битараф булмаган актив яшьләрне туплавын ассызыклады. Алар үзләренең мөмкинлекләрен производствода гына күрсәтеп калмыйча, иҗатта да күрсәтә. “Бездә  югары квалификацияле эшчеләр, хезмәткәрләр, җитәкчеләр күп. Алар пенсия яшенә җиткәч тә эшлиләр әле. Шул ук вакытта бездә талантлы, перспективалы кадрлар да җитәрлек. Безгә алар кадерле. Яшьләребез белән горурланабыз. Бүген ышанып әйтә алабыз, заводның киләчәге  -  ышанычлы кулларда”, - диде ул.

Конференция барышында яшьләр берлеге лидеры  Дмитрий Анисимов  узып баручы елда башкарган эшләргә тукталды.  Оешма предприятиегә лаеклы белгечләр туплау  юнәлешендә актив эш алып барган, производствога килгән яшьләрне заводның корпоратив тормышына  алып кереп китү өчен  җаен тапкан.

Конференция ахырында заводның КВН төркеме “МОЗГ”ны   котладылар һәм завод тормышында  катнашкан аеруча актив яшьләрне бүләкләделәр.

Фото: zdship.ru/