Татарстанда бер елда 1,7 мең чакрымнан артык автомобиль юллары төзелде һәм ремонтланды

Татарстанда быел 1,7 мең км артык юл төзелгән, реконструкцияләнгән һәм капиталь ремонтланган, шул исәптән 433 км озынлыктагы автомобиль юллары. Бу хакта ТР Министрлар Кабинетында узган брифингта ТР транспорт һәм юл хуҗалыгы министры Фәрит Хәнифов хәбәр итте.

«Быел 721 км муниципаль юллар төзелде һәм ремонтланды. Без ишегалларын да исәпкә алабыз. Әгәр дә 2,6 млн кв. метрны җиде метрлы юлга санасак, бу 370 км юл тәшкил итә ", - дип сөйләде Миндортранс башлыгы.

Татарстанда бер елда 61,76 км региональ автомобиль юллары, дүрт юлүткәргеч һәм 13 күпер төзелде һәм реконструкцияләнде; төбәк әһәмиятендәге 371,6 км автомобиль юллары һәм алты күпер ремонтланды.