Синоптиклар Татарстанда көчле җил һәм томан хакында кисәтә

Татарстан Республкасы Гидрометеорология һәм әйләнә-тирә мохитне күзәтү идарәсекөчле җил һәм томан хакында кисәтә. Бүген кич белән һәм төнлә, шулай ук иртәгә иртән республика территориясендә һәм Казанда көньяк-көнбатыштан искән җилнең тизлеге урыны белән секундына 21 метрга кадәр җитәчәк.

Моннан тыш, 15 ноябрьдә төнлә һәм көндез Татарстанның кайбер районнарында томан көтелә. Республика башкаласында томан төнлә төшәчәк.

«Татар-информ»