Саба һәлакәте: такси йөртүче исерек булган
2 май төнендә Саба - Килдебәк юлында коточкыч һәлакәт - "ВАЗ-2114" һәм "Митсубиси" автомобильләре бәрелешү аркасында ватан машинасындагы 5 егетнең дә һәлак булуын хәбәр иткән идек.
Бер көн узу белән, чит ил машинасын йөртүченең дә хастаханәдә үлүе билгеле булды. Шулай итеп, бер һәлакәт аркасында 6 кеше җан бирде.
Татарстан ЮХИДИ идарәсендә әлеге юл-транспорт һәлакәте турында тулырак мәгълүмат җиткергән. "ВАЗ-2114" автомобиле югары тизлектә каршы як полосага чыга һәм такси хезмәтен башкаручы "Mitsubishi" белән бәрелешә.
- "ВАЗ-2114" автомобиленең йөртүчесе һәм 4 пассажир (1991, 1993, 1994, 1996 елгы егетләр) һәлакәт урынында ук вафат була, - дип җиткерә ЮХИДИ идарәсендәгеләр. - "Mitsubishi" автомобиле йөртүчесе - күп санлы тән җәрәхәте алган егет хастаханәгә озатыла. Аның автомобильне исерек килеш йөрткәнлеге ачыкланды.
Хәзерге вакытта тикшерү эше дәвам итә.
Материал интертат.ру сайтыннан алынды.
Следите за самым важным и интересным в Telegram-каналеТатмедиа
Нет комментариев