Россия туристлары белән Мисырдан Петербургка очучы самолет һәлакәткә очраган

Автор, 31 октябрь 2015 - 10:40

1235

"Когалымавиа" авиакомпаниясенең Airbus A-321 самолеты Шарм-эш-Шейхтан очып киткәч, Синай ярымутравы өстендә радар экраннарыннан югала. Каһирә әлеге самолетның һәлакәткә очравын раслый. Очкыч Төньяк Синай провинциясенең Нехель районында төшкән, дип хәбәр итә алар.

Мисырның премьер-министры Шәриф Исмаил сүзләренә караганда, һәлакәт урынына ашыгыч ярдәм машиналы, коткаручылар җибәрелгән. Фаҗигане тикшерү буенча махсус комиссия төзелгән.

Россия туристлары белән Мисырдан Петербургка очучы самолет егылып төшкән. Самолетта 224 кеше булган, аларның күбесе - Россия туристлары. 6:51дә самолет Шарм-эш-Шейхтан очып китә, 7:14 сәгатьтә Ларнака тирәләрендә ул радарлардан югала, самолет белән элемтә урнаштырылмый башлый.