12+ Эдуард Хәйруллин «Казан» журналының эксперименталь чыгарылышын тәкъдим итте

«Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллин үзенең «Яңа Тартария» YouTube-каналында «Казан» журналы быелгы беренче номерын тәкъдим итте.

«Шәһәрнең 93нче елдан бирле нәшер ителә торган төп журналына бераз яңалык өстәделәр: форматын, тышлыгын, бизәлешен, күзаллавын үзгәрттеләр, ә иң мөһиме, 21нче елның беренче номерында «Казан - көч урыны» темасын яктырттылар», - дип билгеләп үтте Хәйруллин.

Ул "көч урыны" дигән беренче фразаны Карлос Кастанеда кулланганын искә төшерде. Журналны булдыручылар исә бу терминның аңлатмасын үзләренчә күрсәтергә һәм Татарстан Республикасы башкаласында кайсы урыннарның көч бирүен сөйләргә булды.