16 нчы Казан хастаханәсендә коронавирустан йөз яшьлек авыруны дәвалаганнар

Казанның 16нчы клиник хастаханәсенең вакытлы инфекция госпиталеннән йөз яшьлек пациентны чыгарганнар, ул яңа коронавирус инфекциясен җиңгән. Бу хакта “Татар-информ” мәгълүмат агентлыгы хәбәрчесенә клиника терапевты, пациент табибы Рамилә Зарипова сөйләде.

Хастаханәдә ясалган компьютер томографиясе үпкәләрнең зарарлану күләме 15% тан артмавын күрсәткән. ПЦРның беренче мазогы уңай нәтиҗә бирә.

"Авырлык шунда ки, пациентканың коронавирус инфекциясе генә түгел, ә тагын тиешле патологияләре дә бар иде", - дип билгели дәвалаучы табиб.

16нчы хастаханә табиблары Казан кешесенә канны сыеклата торган препаратлар сайлап алган.

"Пациентканың хәле тотрыклы иде, сатурация, яки кандагы кислород дәрәҗәсе яхшы - 96-98. Ягъни ул, кислород ярдәменнән башка, мөстәкыйль сулады», - диде Рәмилә Наил кызы.

Бүген олы яшьтәге пациентны өйгә чыгарганнар, анда туганнары һәм якыннары даирәсендә ул терапияне дәвам итәчәк.

"Иң мөһиме, шундый җитди авырудан соң өзлегүләрсез озын гомер кичерсен", - дип уртаклашты дәвалаучы доктор.